曼聯翼鋒贊奴沙（右二）季中由多蒙特外借收回後，俾領隊雲高爾掟埋一邊，完全係攞嚟賤。事緣佢一月底對新特蘭場U21比賽同隊友安達斯彭利拿（左二）私片，鬥吓邊個可以角球直射入網，事後紅魔職員話番畀雲高爾知。雲高爾好嬲佢哋搵隊波嚟玩，上個月起唔畀兩位喺A隊上陣，要佢哋反省吓。另外，英國《太陽報》扮球迷寫信畀曼聯，問雲高爾同朗尼（左）等11個紅魔球星攞簽名，點知得雲高爾有回覆。