去年底舉行嘅區議會選舉結束後，唔少新當選議員嘅地區辦事處陸續開張，其中公民黨小鮮肉、東區丹拿選區議員鄭達鴻喺英皇道嘅辦事處噚日舉行開幕禮，唔少黨友到場支持。
阿達話呢排北角居民關注皇都戲院保育問題，佢當然會金睛火眼贒實，但出席開幕禮嘅主席余若薇就話，講北角歷史阿達一定唔夠佢嚟，何解Audrey咁講？原來佢小時候經常喺皇都戲院睇早場，加上領洗地方係北角聖猶達堂，難怪咁熟呢區情況。
成功喺北角福建幫紅區插旗嘅阿達話，其實佢能夠當選，證明呢區唔係想像中咁紅，反映北角居民都想畀機會後生仔。佢話喎，做區議員唔係要強化泛民同建制對立，而係要畀居民睇到民主精神嘅可貴。