市政大樓來了個癲癲喪喪師奶，纏住路人說要「鈕換鈕」。有位大叔借問一下，師奶即刻示範點樣換，就係馬上剝衫鈕！
大叔自忖光天化日，無可能飛來艷福，嚇到走夾唔唞。街坊慨歎，樓換樓，咁大隻蛤乸邊有人敢要，高級公僕肯定吃了豹子膽。這就要數開創廉記外賣過千元牛腩那位頭頭，此公大剌剌開公數消費，食得唔嘥，數口精得驚人。而另一位高僕，早着內部先機，低價買下新界靚地，之後地價水漲船高，官府不是隻眼開隻眼閉而是徹底地，詐盲！有更極致者，月薪三十多萬卻自吹自擂月睇三十本書、每月出訪N次食其又正又靚的日本豬扒！此君也夠狼胎，被記者追蹤即致電保安局長直線，要求封艇抓人。追本溯源，狼年代開初，左右手已鬧出囤地醜聞，首長僭建山頂屋，被揭發後即拆走違物，毀滅證據。這個天堂無留你位的暗黑公僕時代，政總人事大陸貪化，勢在必然。跟狼生辦事點會有好結局，盡情掠水是上策。高官常秘爭住行歪路，想在香港經濟負面評級發酵前抓緊錢途。住在大潭豪宅的主教，聽到眾神的呼喚，肯跟住在黃大仙的你樓換樓嗎？