巴黎聖日耳門（PSG）上月中提早喺法甲封王後，上場聯賽即刻爆冷輸畀到訪嘅摩納哥0:2，搞到捧場客損手爛腳。好彩PSG喺上周六聯賽立即回饋上盤客，主場以4:1大勝尼斯，而入球功臣就梗係有前鋒伊巴謙莫域（圖）份啦！呢名瑞典國腳仲連中三元㖭。由於伊巴踢埋今季會離開PSG，英超及中超都有唔少球隊吼實佢，但拜仁慕尼黑體育總監森馬就唱反調，話覺得伊巴唔適合拜仁喎！