華倫西亞（白衫）上周三炒咗主帥加利尼維利，並由艾耶斯達蘭頂到季尾；估唔到教練團入面嘅加利佬細佬菲臘尼維利都俾華倫燉冬菇，上周六西甲竟然冇得隨隊作客拉斯彭馬斯，球隊仲話呢個前朝餘孽今季唔使再帶隊比賽，淨係負責訓練就得。華倫三分鐘就有射手洛迪高摩連奴開紀錄，但易邊後連失兩球，包括中堅梅斯達菲喺63分鐘擺烏龍，令球隊反輸1:2，慘吞西甲四連敗。