室內設計能解決先天家居的缺點，冇變有、暗變光，變得實用，如施魔法很神奇。變變變，改頭換面，源於原則間隔不合用，欠缺工人房，超長客廳兩壁闊窄不一，飯廳偏細，空間不均勻，問題一個接一個，乾脆來個全新組合，重整後以白色亮眼的佈局，朝氣十足。
記者：溫潤潔
攝影：王子俊
改動是見招拆招，第一招冇變有就要偷，靠邊廚房佔據飯廳，地方多一倍，前後分割兩邊用，內裏加設工人房，向外一邊做貯物櫃，另一邊做鞋櫃，中間牆壁掛電視，每分每吋不肯浪費。
第二招順勢將直廳扭轉為橫廳，廚房對面恰好放曲尺形梳化，距離適中，一家人舒舒服服看節目。最後出招移形換影，飯廳抽調到窗戶旁，輕輕鬆鬆放張四人餐枱，側旁牆身沒做全組高櫃密封，怕壓迫感重，餘位做凌空地櫃，櫃上有層架放擺設，讓視覺上「唞唞氣」。
睡房做櫃增貯物量
客飯廳應付基本貯物需求，但收納量永不嫌多，向兩間睡房埋手。女兒房將房門改在中間，門後做一排大衣櫃，畢竟女孩子衫褲裙襪真不少。另一邊與主人房以櫃間牆，分別做飾櫃及衣櫃，各得其所。主人房做地台及油壓床，底部填得滿滿，連同床尾凹位做衣櫃，貯物量冠絕全屋。
善用物料不怕沉悶
【恰到好處】
單位在低層，本身天然光不足，加上間隔重整，佈局宜清簡，用白色就最好，但不想白得沉悶，特選十種物料，做出不同效果，大廳牆身髹乳膠漆、天花噴漆、飯廳鋪磚紋牆紙、電視背板連廁門噴汽車油；主人房貼批盪紋牆紙、女兒房做仿皮床頭板、入牆櫃以啞白焗油示人、房門有見木眼的油漆；廚房櫃焗鋼琴漆、浴室枱面鋪豪麗雲石。
此外，廳房入牆櫃都有灰色元素，與白色有對比之餘，增添時尚感。廚房入口做紅色吊櫃，玩撞色，又覺嬌美。樣樣點到即止，沒突破素淨的本意。
物業：鰂魚涌太古城
實用面積：584方呎
家庭人數：3人連外傭
設計及裝修：Well Done International（2267 0693）
歡迎讀者提供單位拍攝及介紹，請將資料傳真2370 3886或電郵：mailto:property@appledaily.com