東華三院董事局聯歡晚宴前晚在尖沙嘴洲際酒店舉行，三太陳婉珍及子女何猷啟、何超蓮，連同蔡加怡、蔡加敏、黃婉曼、楊千嬅和鄺祖德等出席。二房女兒何超蕸卸任主席一職，之後會用更多時間陪家人和做運動減肥。千嬅未有聽聞老友超蕸減肥，但自爆最近兩星期減去十多磅，她說：「之前放假係咁食，一日食七餐，𠵱家一日食一餐，我好叻，好成功，兩、三個星期減十幾磅。」
鄺祖德避談慧嫻
早前千嬅和老公丁子高去禪修，她說：「老公聽日返，已經話要食好多，叫我預備。」千嬅被問到怕不怕老公突然出家，她說：「你估出家咁容易，係好高佛學，好有智慧先得，其實我都有去，我都覺得返來清靜番。」
鄺祖德被問到之前在fb以千字文回覆跟陳慧嫻的戀情，被大批網友批評，他說：「之前講已經講晒，𠵱家工作為主，希望做多啲幫到人、社會性嘢，我唔畀意見評論。」問他有否跟慧嫻聯絡，他說：「我唔會評論，唔會畀意見。」
總理之一的蔡加怡下個月尾預產期，準備剖腹生產，被問到腹中塊肉是男或女，她第一時間說：「遲啲先講。」不過當問到大女有否關心肚入面的BB，她卻漏了口風說：「幾個月前開始同囡囡講有細佬係入面。佢冇妒忌，都有摸下錫下。」說罷，加怡都忍不住掩嘴笑。
採訪：盧妹
攝影：沈健程