前晚亞視熄機前，位於大埔的亞視總台門口份外熱鬧，先有一家大細到閘前拍照留念兼細說當年，亦有來自內地的觀眾拉隊到亞視logo旁邊影相。高𥧌期，總台外聚集了超過300人，其間還有一隊9人組成的電單車隊到場，場面墟冚。不過全晚最搶鏡的，要數曾參選過亞洲先生的鄧簡文，他赤膊上陣在亞視門前大跳「震波舞」為亞視贈興。
熄機前，股東發言人何子慧急急登車離開亞視，臨行前向在場的媒體揮一揮手說：「多謝支持！」無綫藝人一蚊Joe（游莨維）拿着採訪咪，上前隔着車窗問：「點解唔等到12點先走？」有市民見到忍不住寸一蚊Joe說：「你唔係以為佢聽到呀？唔怪得之你叫一蚊Joe啦！」
採訪、攝影：黃曉妍、馬建華、陳順禎