天氣開始回暖，紙媒寒冬步伐卻加快。《新報》停刊之後，接着是《忽然一周》、《FACE》及《太陽報》。
這陣子，在香港《蘋果》返工，最傷感的莫過於在電梯、吸煙陽台及茶水間，遇到平時只點一下頭，交換兩下微笑的同事趨前：「堅哥，我今日last day啦！你加油呀！」「我創刊做到𠵱家，唔捨得梗有，冇法啦！」「冇乜打算，見步行步咁囉！」「市道真係好差，未搵到新工。」……
除了這幾句：「慢慢嚟，實搵到嘢做嘅！天無絕人之路。喺呢度辛苦咗咁耐，趁機去旅行玩吓先啦！」真的不知該說甚麼安慰這些老同事。
行筆至此，手機收到香港《壹週刊》的推播，標題大意是一位報販伯伯說，賣報紙連曱甴都養唔起。我們做報紙的呢？
公司兩、三年前有兩派人，大致各佔一半，一派堅信紙媒不死，一派確認紙媒必死。現在呢？心照啦！
行筆至此，手機又收到WhatsApp，擁有最高發行量《頭條日報》的星島報業集團，宣佈凍薪。高級人員並會減薪，幅度上限為20%。
又行筆至此，又WhatsApp。台灣紙媒有沒有好些？沒有。台灣首富蔡旺旺的中國時報集團，正計劃把旗下《中國時報》、《工商時報》及《時報周刊》，兩報一刊的編輯部合併營運，以節省開支。
後記
手機真係紙媒殺手，惡過老虎，害到我哋冇啖好食，好想打爛佢，丟咗佢！但可以嗎？老虎可以救我一命，都要同老虎做朋友。
逢周六刊出
葉一堅
mailto:Ipyutkin@appledaily.com.tw