現時效力緊中甲天津權健嘅港腳基藍馬有福喇，因為佢嘅隊友張鷺日前透露，球隊正準備喺訓練基地附近，起一座五星酒店畀球員住宿；除此之外，球隊仲會修建恒溫球場，呢啲咁貴咁高科技嘅設備，即使喺中超都好少見到。喺冬季轉會期間揮金如土嘅中超球隊江蘇蘇寧，最近亦指出球隊並冇打算更換外援，以1,500萬歐元（約1.3億港元）引入巴洛迪利嘅消息只係謠言，巴神真慘，連中超球隊都唔吼佢！