人生勝利組不一定贏在起跑線上。31歲的郭嘉頤（Carrie）是本土知名美容時裝blogger（博客），近年先後在金鐘Lab Concept、銅鑼灣希慎廣場等大型商場開設專櫃賣自家護膚品牌；自言沒富爸爸的她，由網上談兵的blogger到創出一片天，竟說成功是運氣與偶然？
「其實所有嘢都係巧合，我想做fashion design（時裝設計），無奈（中五）成績唔係咁好，當時香港剛流行小型化妝學校，就貢上去睇吓，見幾得意就報course（課程）試吓。」Carrie畢業後，18歲入行由美容專櫃做起，到成為國際品牌的香港首席化妝師，及後在香港知專設計學院任教4年，其間身兼多職；為圓「少女夢」，曾在小型商場開舖賣衫，「先發現有啲女仔會開blog教人着衫」，繼而開網誌分享美容、化妝、配襯心得。
從未視blogger為職業，卻因此建立網絡助創業。她說，最初本金只有數十萬元，這筆錢源自她在網誌介紹一隻產品，當時有朋友請她介紹某產品，沒料引起迴響，不停有人問她取貨，索性兼做代理，「賺咗第一筆錢，就諗與其做人哋嘅、不如做自己㗎啦，就建立第一個品牌，我只可以話我好好彩，真係咁啱，因為唔係一心諗住做生意」。
扮靚貼士「對自己誠實」
2014年正式開設護膚品牌公司carrie carries，開業至今都賺錢。她說不少國際大品牌受自由行減少影響，但其公司客源百分百來自本地，市道低迷下生意不跌反升。堅持在大型商場開專櫃，「因為建立品牌好緊要，如果我嘅品牌永遠喺小型美容舖頭先搵到，發展空間好細」。另一堅持是不劈價促銷，「咁樣個品牌先行（維持）得耐」。
從事扮靚生意，自有其心得。Carrie的扮靚小錦囊是「對自己誠實」：「好似online shopping（網上購物）咁，你睇個model着得好好睇，套落你個身係咪真係呢個款？你睇blog都一樣，blogger着到好好睇，搽啲顏色好靚，（但）你都要對自己誠實，你用係咪會好睇呢？」
■記者陳雪玲