【本報訊】憑《原來她不夠愛我》hit爆的吳業坤(坤哥)，經常真情流露，深得一眾網民like爆，不過坤哥於昨日傍晚發生交通意外！
頭戴藍色漁夫帽、身穿紅色上衣的坤哥，昨日傍晚6時許駕駛其福士座駕，沿深水埗元州街向長沙灣方向行駛，惟駛至欽州街時，與前方的MINI COOPER相撞。戴口罩的坤哥隨即與朋友落車查看兩輛車的「傷勢」，又在場等候警方調查。
讀者葉先生指，事發一刻他正準備駕車駛入附近停車場，惟駛至入口時，發現前方有車停在路邊，「開頭都唔知咩事，兜過佢哋嗰陣先知兩架車撞咗，嗰時兩架車嘅司機同乘客都未落車」，當他將車泊好並離開停車場時，才發現福士的司機原來就是坤哥。
葉指坤哥當時正載著一名男性友人，而MINI COOPER內亦有一男一女，4人在意外後下車，檢查其座駕的損毀程度，「兩group人嘅氣氛都唔凝重，都有講有笑，尚算輕鬆」，之後坤哥亦有幫兩車影相紀錄，大約10分鐘後，警方便到場調查。
坤哥事後以短訊回應《蘋果》，指「hahaha不宜揸車，好彩人冇事，亦都禮貌地和解」。