【本報訊】全國人大常委范徐麗泰牽頭成立勵進教育中心，力推中史及國情教育，但明言關於歷史的資料只到1911年，國共內戰及六四等事件不會觸及。身兼該中心理事的鮮魚行學校前校長梁紀昌昨稱，「如果因太過拗撬嘅事而影響學生唔讀中史，我覺得無謂，所以將佢擱置先；近代史你可以摷好多網、傳媒發掘」。
梁紀昌昨於電台訪問明言，推廣中史是希望年輕人建立國家認同感：「你會見到𠵱家年輕人成日覺得中國人係強國人，冇乜道德操守，搶呢樣搶個樣……對於作為中國人係一個恥辱㖭。」但他強調國家發展是一個過程，指中國曾經歷貧窮，近數十年來才富起來，「樣樣都搶係因為窮過，去食自助餐就蜂擁，驚死蝕底」，他以上世紀70年代在尖沙嘴半島酒店附近見過日本人「急就通街屙」為例，指二次世界大戰後日本亦窮過、捱過，才會有此現象。
他希望香港年輕人不要「着數就去認同」，又指在香港生活就要認同是中國人，「中國人叫中華民族，就唔好再搞咩香港民族呢樣嘢」。
■記者陳雪玲