倫敦被旅遊網站TripAdvisor評為全球首選旅遊城市，擊敗熱門對手如巴黎、羅馬、河內等，之不過凡事總有兩面睇，你覺得好玩嘅景點我可能覺得好無聊。英國《每日郵報》就翻查了TripAdvisor，在倫敦熱門景點的品評欄目找到爆笑負評。人人慕名前往的白金漢宮被評為「超級悶！」、「唔使旨意會見到英女皇喺窗口伸個頭出嚟同你打招呼，清潔阿嬸就會！」、「又話係皇室府邸，佢哋一個二個都唔喺屋企。」而倫敦杜莎夫人蠟像館，更糟狠評為「悶過我粒耳屎。」、「入去睇『明星』連一個簽名都拎唔到。」、「做乜要畀錢人逼人排長龍同班假人影相。」有人更嬲嬲豬話去自然歷史博物館「見到人類嘅隔肋底仲多過見到恐龍」，又有人形容倫敦塔橋是「你呢世人都必要跨越嘅一條橋」，凱德公園就被諷刺為「倫敦最大但又最少樹木嘅一個公園。」唔知香港嘅熱門景點，大家又點睇呢？
記者：盧懿靜
資料來源：《每日郵報》