復活節，這位朋友送你一盒復活蛋，那位朋友送你兩包出奇蛋，「畀囝囝食喇。」你又如何捨得仔女食這麼多不健康食物，又唔捨得浪費食物，最後自己食晒。唔怕，今次找來足球員唐健文和他的囝囝，一齊教你做親子運動，又辛苦又甜蜜，一邊鍛練一邊培養感情，仲唔立即捉實囝囝囡囡？
第一式，弓箭步。以騎膊馬姿勢，把囝囝放上膊頭，緊記捉實他雙手。一前一後誇步向前，前腿屈膝後腿蹲下。這個動作，可以鍛鍊大腿的穩定性，修緊大腿肌肉線條。緊記向前的一隻腳屈曲時，膝頭不要超過腳板。每次做三十秒，做三至六組。
第二式，深蹲。媽媽想要靚靚臀部線條，這個深蹲動作一定要多做。雙手抱實囝囝，兩腳不要張開超過膀頭，一上一下的蹲下。每次做三十秒，做三至六組。
第三式，向上抬屁股。要囝囝伏在自己身上，攬實自己。這個動作練大家的核心肌肉，要練成好腹肌就靠它。唐健文說這個動作最甜蜜，因為可以和囝囝超近距離接觸！每次做三十秒，做三至六組。
記者：李聰