香港沙塵滾滾，想帶個口罩又怕遮住個靚樣？理工大學設計學院四年級學生Vivian劉嘉淇就利用3D技術設計出符合使用者面型嘅「口」罩Aivry。
Aivry透明設計，遮鼻唔遮面，靚得嚟又擋廢氣，難怪可攞到2015年Spark嘅設計大獎。Vivian仲因此而奪得2015年理工大學卓越學生獎。
八方成日聽人講「細個讀書廢，大個做設計」，原來Vivian讀傳統名校出身，DSE成績絕對見得人。佢揀設計系，無非都係熱誠，仲話入讀後開闊眼界，冇中學時咁執着完美咁話。講到讀書壓力，Vivian就叫考生放輕鬆啲，「如果已經定好溫習日程，就唔使畀自己太多不必要嘅壓力情緒。」