兩會即將結束，不少港區人大及政協收風後，開始向傳媒表述對梁振英（CY）連任看法，有泛民中人私下了解，認為中央未決定挺梁連任，但對他表現頗有意見，亦開始認同香港管治問題多，「梁振英個人處事方式多少有關」，但中央仍會給梁最後機會翻盤，要他在餘下任期搞好社會和諧，但該泛民質疑梁在餘下任期，「搞和諧佢冇乜可能，擔心佢再搞禍香港」。
該泛民中人稱，從近日京官及港區人大政協言論，可見北京最新指示是要為香港社會矛盾及本土抗爭降溫，「有港區人大政協都同我哋講，北京今次指示，比較突出係講要團結同搞好社會和諧，明顯同梁振英嘅鬥爭路線有分別」。也有人對他說，今次兩會京官收風，並沒要他們支持梁連任，亦對建制派面對困難表示理解，有京官更直言明白社會不少怨氣是對人不對事，「佢哋明白梁振英做事作風，多少同社會民怨有關，好多怨氣都係衝住佢個人做事方式而嚟」。
該泛民分析認為京決定不支持梁連任，仍屬言之尚早，「起碼牌面上北京仲支持梁振英，相信北京仲畀機會佢，等佢喺餘下任期，睇吓可唔可以改善民望」，但他以梁過去所作所為指，「無論佢做乜，市民同泛民唔會改變對佢嘅態度」，反而擔心梁在餘下任期再激化矛盾，「靠梁振英搞和諧，只會越搞越唔和諧」。
季陶
周一、三、五刊出