近期因為叫中環人light lunch後游水、以及講咗個冇人聽得明嘅飛天爛gag而成為facebook嬲豬「紅」人嘅特首梁振英，終於返地球，上周六喺禮賓府同近30名保良局香港道教聯合會圓玄小學學生會面，佢喺fb上載短片，話「和小朋友聊天是我最享受的活動之一」。
雖則CY先係主人家，但唔夠佢嘅Bond同Speedy狗仔受歡迎，當日佢拖着兩隻愛犬同學生打招呼，啲細路圍住狗狗團團轉，連CY同佢哋傾偈都冇理。CY大讚到訪學生準備充足，用廣東話、普通話同英文發問，問題涵蓋施政重點、作息規律及點樣面對壓力等，CY以細個鍾意遠足旅行勉勵學生，話克服困難就似爬高山，到咗山頂回頭睇走過嘅路，好有滿足感。