復活節除咗有two two（兔兔）做主角，迪士尼仲搵咗班花旦出巡……啊係花蛋至啱，由大嶼山遠征出市區賀復活節。之前迪士尼喺樂園推出首屆「迪士尼花蛋節」，迪士尼卡通主角變身過百隻花蛋同遊客玩捉迷藏。如果唔想長途跋涉去樂園，即日起至5月2日去九龍灣MegaBox都有得睇花蛋（圖）！米奇、大鼻鋼牙、巴斯光年等15隻花蛋會同大家見面，粒粒蛋都有約一呎半至三呎高，selfie夠晒靚。如果都係想入樂園玩，迪士尼為「奇妙處處通」會員推出同行優惠，明日至5月29日可無限次用優惠價帶最多4個朋友仔入場，每個朋友仔盛惠328蚊，即係正價6折。