內地網站流傳一張爆料相，指周杰倫將會加盟內地網上化妝品銷售平台「唯品會」，擔任「CJO」，即係「首席驚喜官」。J代表乜？周杰倫嘅英文名係Jay，或者代表Chief Jingxi（驚喜嘅普通話譯音）Officer都得。
網民解釋，首席驚喜官係電商行業嘅新興職業，負責調動各部門大小職員，組織節日慶祝活動。即係將平時各部門秘書同歡樂小姐嘅工作合而為一。
呢件事暫時唔知流定堅，不過今年2月周杰倫的確同中國數碼文化（8175）簽諒解備忘錄，授權公司喺電子競技領域，獨家使用佢嘅肖像同姓名，雙方亦會共同成立一間兩岸三地電子競技戰隊公司。整個合作代價係1,000萬股中國數碼文化。隻股噚日收報0.44元，嗰批股市值約440萬元。