股評人孫柏文舊年底參選區議員失敗之後，靜咗一輪，最近有新動向，佢將會重投有線，每個星期二幫手做一集《Money Cafe》嘅嘉賓。
話孫柏文今次係重投有線，原因係佢喺2011年參與有線另一個節目《華爾街速遞》時，醉酒出show，完全搭唔到嘴，之後就被有線叮走咗。事隔多年，孫柏文終於再有機會喺有線出現。所以都話生命滿希望，就算遇到幾大挫折，都有機會起番身。
孫柏文經過嗰次醉酒事件，都下定決心戒酒，噚日聽佢講，已經有4年滴酒不沾。佢被有線叮走後，跟《Money Cafe》監製仲會時不時會吹水，最近講起有乜新idea，對方就邀請佢上節目講佢最吹捧嘅白銀，對方冇舊事重提，佢就誓神劈願話會珍惜機會。