【本報訊】「普通話？從來未聽過。」扎鐵業團結工會總幹事黃惠民（圖）說，大部份地盤工友都是講廣東話，雖然扎鐵業內有不少工友是客家人，言談間會夾雜兩句客家話，部份則是新移民，「就算係來自內地，佢哋嚟到香港都會講番白話」。他從事扎鐵工作逾30年，首聞應徵條件以懂普通話優先，「真係好奇怪，我諗佢哋想輸入外勞」。
黃惠民估計，可能要帶領內地外勞工作，故要求本地工人懂普通話，方便溝通。他指一般外勞對本地建築工作未必可即時上手，需要人在旁督導。他又指，過往曾有釘板工應徵類似的地盤工作，「但去到判頭冇嘢畀佢做，幾個月都係齋坐」；也有人見工後，被通知要數個月後才有工開，質疑有關做法都是為輸入外勞鋪路。
另一地盤工人直言，就算懂普通話，根本用不上場，「咪玩啦，都冇乜國語（普通話）人，講鄉下話就多，好似潮州話咁，因為唔少工人係新移民，來自海陸豐」。他說近年也多了尼泊爾人在地盤工作，有時反而要說簡單英語溝通，「其實佢哋都識得聽廣東話，尤其係粗口，千祈唔好講」。
■記者王家文