北京舉行兩會期間，政圈除關注北京如何回應旺角騷亂及本土崛起外，北京對特首梁振英態度如何、會否加大力度挺梁，也是各方焦點。有政界中人稱，雖然官方論調仍是肯定、支持梁施政，但留意到負責港澳事務的人大委員長張德江及港澳辦主任王光亞對梁振英表現有些新說法，頗令人玩味。
王光亞日前被記者問到是否滿意梁振英表現，他說香港同胞有各種不同判斷，又指梁振英是努力的。該政界中人稱，王光亞說香港人對梁有各種不同判斷，其實是含蓄地說北京知香港有人不滿梁施政，而且聲音已大至「北京不能扮聽唔到，再講梁振英得到廣泛市民支持呢類說話」，雖然王並非港澳事務最高決策者，但他始終是港澳辦主任，代表一定的官方看法，「如果港澳辦主任都咁講，即係香港批評梁振英嘅聲音，已令北京去到不能再坐視不理嘅程度」，而王讚梁努力這句話，更是可圈可點，「即係王只肯定梁有做嘢，但就唔覺得佢做到成績」。
至於張德江昨對港區人大代表讚梁振英有擔當，更令人猜測背後含意，「有擔當即係話佢肯孭起難骾嘅責任，究竟係讚佢（梁振英）就算被鬧都肯執行中央強硬政策，定係話梁有擔當，係指佢肯幫張德江等人孭起晒搞到香港天怒人怨嘅責任，等領導可置身事外？」無論如何，該政界中人認為，不論是張還是王，從現時他們言論可見，北京對梁支持度已不如以前，「但從北京自身利益考量，相信仲係會挺梁連任，因為佢哋唔想否定過去幾年治港政策，變相承認犯錯」。
季陶
周一、三、五刊出