本民前梁天琦前日直認唔係香港出世後，成為網上熱話，熱血公民鄭松泰 （圖）噚日就話一向主張「文化」建港同建國，唔係主張唔畀大陸人來港，最重要係先經「審批」，包括要經廣東話、香港文化等「考核」。
被問到既然佢認可梁天琦係香港人，但佢細個由內地來港時都冇經過呢種「考核」，鄭松泰就話：「我又唔知梁天琦有冇經過呢啲審批喎，呢啲你問番佢自己至知，呢個我真係唔知。」其實唔只鄭松泰改口，國師陳雲都改口話冇反新移民，不過又有精明網民搵番國師幾年前嘅fb留言，當時佢明明話內地女人子宮「是共匪向世界進攻的精兵」，又話「共產黨送大陸子宮來香港，用母親的角色駕馭下一代香港人的血統、語言和家教，並控制香港男人」，八方亦喺2011年4月寫過國師「偉論」，佢當時話香港人喺大陸娶嘅女人全部係間諜！難怪有網民質疑有人不斷「搬龍門」。