噚日係一年一度嘅博愛單車百萬行，逾6,000名單車愛好者由青沙公路出發，踩去昂船洲大橋，途經南灣隧道，再到昂船路附近折返青沙公路結束。同舊年一樣，教育局局長吳克儉、食衞局副局長陳肇始同運房局副局長邱誠武，又再一齊full gear上陣帶頭陪踩，不過吳得掂起步之後一度差啲失去平衡，睇嚟踩單車佢唔係好掂喎。
吳得掂活動後又講到TSA問題。佢話，考評局早前已發信邀請約50間小學，參與今年的小三TSA改良版試行計劃，並指有不少學校已經自願報名參加，當中更有私立學校，相信家長同學校都會作出明智選擇，暫時未有學校拒絕接受邀請。