公民黨「岳少」楊岳橋當選立法會議員一星期後，噚日喺fb發表感受，指呢一星期「來得有點夢幻」，成為佢生命中「不平凡的一個星期」。岳少又話，投票日拉票時，最深刻係親身體會「民主阿伯」李柱銘嘅幹勁同親和力，指李柱銘往往比佢行得更快、握更多手，做足朝七晚七，耐力之高實在令佢呢種後輩汗顏。
另一位佢要感謝的，係為撐佢退出學民嘅黎汶洛，指黎汶洛由朝早到通宵開票，一直與佢並肩同行、任勞任怨、搬搬抬抬，更幫手開咪，其間一句怨言都無，投入度令佢非常佩服，認為其後網上針對黎汶洛嘅攻擊，係忽視咗佢鏡頭後默默付出，實在係唔公道喎。