去年8月先成立嘅「正義聯盟黨」爆內訌，主席李偲嫣被指向多名黨員和義工借錢唔還，仲有人指控偲嫣BB代收嘅捐款不冀而飛，多名創黨成員聯署開除佢黨籍，認真慘豬。有傳媒翻查資料，發現偲嫣BB過去廿幾年至少俾人追數廿次，當中包括欠租、欠管理費、開空頭支票等等，八方問過佢前老細，經民聯梁美芬點睇呢件事，對方就話自從BB另起爐灶之後，其實都好少接觸，事件兩邊涉事人佢都識，形容搞到好似離婚咁。唔知鼠王芬又有冇借過錢畀偲嫣BB呢﹖佢話印象中就冇喇，所以對今次事件都好驚訝。點都好啦，既然偲嫣BB咁信警方，八方都好支持警方今次一定要嚴正執法，將件事查個水落石出呀。