國際米蘭周三喺意盃四強次回合上演絕地反擊戰，憑波索域梅開二度同比列錫入一球，主場大勝祖雲達斯（黑白衫）3:0，收復首回合輸0:3嘅失地，兩回合踢成3:3平手，令賽事進入加時。加時後兩軍都冇波入，要互射12碼分勝負，點知國米喺呢個關鍵時刻有柏拉斯奧宴客，相反祖記五個球員都入晒；最終祖記驚濤駭浪下贏5:3，會同國米鄰會AC米蘭爭冠軍。