民建聯趁三八婦女節前夕，由立法會三女將包括「元秋」蔣麗芸、「琼子」李慧琼同「EQ」葛珮帆向一眾女士獻花（圖）。EQ話立法會秘書處同保安加埋有成385位女士，仲有11名女議員，希望呢次以花致意，多謝佢哋一齊度過立法會嘅拉布同鳴鐘點人數時間。元秋話祝女士開心男士識做，又話老公不時都犧牲星期日嘅時間，全日幫手做司機。琼子話想更多女士從政，男士必須背後真心支持。EQ透露啲家樂花喺旺角買，對於上面貼晒佢同元秋、琼子三人大頭相，EQ尷尬話「搣甩佢都得㗎」。