我12月底離開《蘋果日報》，沒有再主持動新聞節目「壹錘定音」，休息了兩個月，立法會補選前開始在八方版寫這個框框。
政界朋友以為我已經重返《蘋果》，問我幾時再恢復主持「壹錘定音」？
但大家誤會了，我現在只是以專欄作者身份，每日在此和大家分析對時局觀察。謝謝《蘋果》讓我享有這片自由天地。
離開了《蘋果》，但我一定會繼續留在新聞界，這既是我喜歡的工作，也是我曾承諾過堅守的崗位。
昨日，我就到了網台D100，客串主持早晨烽煙節目。我和拍檔Q爺黎則奮訪問了鄉議局侯志強，代民建聯「追究」鄉議局拉票不力，令民建聯保不到鼎。
侯志強的答案是一連串soundbite：「鄉議局規定要幫你㗎？鄉議局冇規定要幫邊個㗎喎……拉票喎，拉牛咩！」
「你話人冇幫你，咁你有冇主動叫人幫你？咁鬼多人，人哋點知幫邊個？」
即係民建聯沒叫你幫手拉票？「李小姐，我𠵱家叫你嫁我，我問你求婚，抑或問你阿媽？」
「我嗰日（投票日）都唔知咩事，我瞓到夜晚11點先起身，瞓到天昏地暗，瞓醒都唔知乜嘢事！」換言之他連自己都沒投票？他不否認。
結論是：「你話人唔夠幫手，你都要畀啲誠意。你想要，都要伸手攞，欠你㗎？」
賽後檢討，究竟民建聯和鄉議局發生了甚麼事，大家明嗎？
李慧玲
周一至周五刊出
http://www.facebook.com/hammerout.hk