自由黨榮譽主席田北俊昨與傳媒團拜提及，特首梁振英若2017年連任，恐怕不少表現較好的官員，亦未必願意留任。有政界中人指這不只是田的觀察，也是北京的憂慮，以他所知，北京曾私下了解某些問責官員去留，發現「想佢走嘅唔走，唔想佢走就唔肯留」，甚至一些北京屬意可任問責官員人士，也對加入梁政府「耍手擰頭」。
該政界中人稱，早前與一些官場中人聚會，得悉北京透過某些渠道，開始打探那些問責官員肯留下、哪些人願意續在熱廚房，據知屬梁粉的問責局長絕大部份均肯留下，「但似乎北京對某幾個人相當有意見，唔想佢哋留低」，相反北京想留的人，卻不肯答應留下，「有官員私下講，願意服務香港，但CY連任就唔想再喺政府工作，其實即係曲線同北京講，唔想留喺梁班子」。
京屬意人選拒入梁班子
除了現任問責官員，據知北京也有向一些可任問責官員的屬意人選，打探他們的意向，特別是財政司司長曾俊華退休已是不爭之事，北京極欲找熟悉財金人士接任，但據該政界中人所知，不少人也耍手擰頭，「表面上話唔夠能力、唔適合入政府，實際唔想同梁振英合作」，所以他直言，北京就算要力挺梁連任，亦要考慮其問責班子「有冇足夠合適人選」，「北京一定唔想見到下屆政府，再多幾個類似吳得掂咁嘅局長」。
季陶
周一、三、五刊出