【新東補選】
【本報訊】距離周日新界東立法會補選只有5日，民主黨創黨主席李柱銘稱，今次是歷來最重要的一次補選，若泛民落敗，將無法守住地區直選過半數，建制派必修改議事規則，「到時拉布拉唔到、23條又過、乜都可以過」，一切將「返唔到轉頭」。他強調武力不能爭取民主，明白主流民主派支持者不認同武力，希望他們出來投票支持公民黨楊岳橋，「唔出嚟投票，其實係投咗畀民建聯」。
記者：莫劍弦
雖然本土派不斷稱，就算民建聯周浩鼎在新東補選勝出，亦不夠時間修改議事規則封殺立會拉布，但周浩鼎早前已表明，一旦當選會推動修改議事規則。李柱銘日前接受訪問時亦稱，相信周一旦當選，「禮拜一知道佢（周）當選，可能禮拜二（修改議事規則）就交去立法會」，批評那些至今仍說「修改議事規則係做唔到嘅人」，「係夾硬講同事實不符、夾硬要拗」。
「呢幾個月可以攞立會命」
李柱銘指，那些指不夠時間修改議事規則的人，完全不明白「呢幾個月（會期）真係可以攞立法會命」，現時政府因立法會拉布，令有爭議草案無法通過，假如泛民失去新東議席，無法守住地區直選過半數，政府一定抽起其他草案，先行修改議事規則，因為只有封殺拉布，「以後其他草案就可以拍拍聲咁過」。對於有分析指，立法會主席曾鈺成不會辭任主席投票，令修改議事規則通過，李柱銘反駁，泛民沒有理由將立法會未來放在曾鈺成一個人身上，「你點知中聯辦到時畀佢壓力會大成點呀！」
李柱銘認為，正正由於所有泛民政黨均知這個議席不容有失，才放下各自政治考量，聯手支持楊岳橋，「佢哋知道呢個議席重要性、嚴重性、係唔能夠失」，因一旦修改議事規則，立會將無法拉布，就算到9月大選泛民贏到更多直選議席，因功能組別被建制派控制，「到時（議事規則）冇得返轉頭」，政府只需靠議會內建制多數票支持，「23條又過、乜都可以過，個立法會仲有乜嘢意思呢？」
「選民係好唔鍾意武力」
他認為相較其他候選人，楊能力更加優勝，亦相信以往投票支持泛民的主流民意，不會認同、支持以武力爭取民主，也不相信那些支持武力的本土派候選人，可以獲主流泛民選民支持，「你估啲選民會擺落去（本土派）咩？香港啲選民係好唔鍾意武力」。他認為這些選民應該出來投楊岳橋，「今次佢哋要明白，如果佢唔出嚟（投票），呢一票其實投咗畀民建聯，因為咁令我哋輸，所以唔能夠唔出嚟（投票）……係㗎，佢哋唔出嚟就完㗎喇！」
李柱銘希望，以往在新東投泛民一票的市民，特別是一些溫和主流泛民支持者，可以集中票源支持楊岳橋，「新東激進啲年輕人啲票，我哋拉唔到過嚟，希望其他唔認同武力嘅人，可以出嚟投票」。
新東補選候選人尚有梁天琦、黃成智、方國珊、梁思豪及劉志成。