Beyond的靈魂人物黃家駒於93年發生意外離世，成員黃家強和黃貫中（Paul）近年不咬弦，Beyond要合體絕不容易，葉世榮去年發起搞Beyond紀念騷，他積極籌備，鐵定今年6月10日，家駒54歲冥壽當天在灣仔會展開騷。
葉世榮前晚在尖沙嘴出席一個壽宴時表示一切進行得如火如荼：「舊年我都講過想搞個紀念家駒嘅騷，延續同宣揚佢嘅愛心。」葉世榮有信心齊腳：「Paul應承咗，繼續努力游說家強，佢態度冇之前咁強硬。」葉世榮指家強若不到，與Paul仍會照唱，4月便會公佈詳情，演唱會收益會撥作慈善用途。Paul昨在銅鑼灣回應：「等佢（葉世榮）去傾啦，我答案係我一定冇問題。」Paul先於4月9日在九展舉行個人音樂會。
採訪、攝影：楊定、黃曉妍