玄學家麥玲玲稱派利是有三重含意，首先，以前中國農業社會是大家庭制度，分幾房人，過年時當家將錢分給每房人過年關，即所謂壓歲錢。其次，年三十晚守歲，給利是小朋友壓住過年有辟邪作用。及至大年初一派利是取意頭，亦是長輩對後輩的祝福。她補充，派利是主要象徵有錢過年，年年有錢用，同時辟邪，是中國傳統家庭制度中的特有現象。封利是不一定要用新鈔，但金額以雙數為佳。
麥玲玲利是Q&A
一) 封利是要新鈔？
麥玲玲說：「其實唔使嘅，利是都是意頭嘅象徵，多數以雙數為主。」
二) 初十五之後才可拆利是？
麥玲玲笑說：「視乎你夠唔夠錢使，攞住耐啲先拆都係好嘅，過咗十五、甚至正月先拆都係好。
三) 有沒有方法可聚財？
麥玲玲說：「要聚財嘅話，譬如從事銷售行業嘅朋友，攞咗開工利是或大客派嘅利是，將啲利是收起，叫做借人財福，加幾粒茶葉幾粒米，放喺重要櫃桶或夾萬，希望藉住客戶帶來嘅旺氣，借到人財福。收到老闆利是、有錢人利是都可以咁做，久而久之，加強聚財能力及財運。」
四) 利是無錢不利？
麥玲玲說：「利是唔可以『吉』，無錢都要寫祝福語，當然收錢開心過祝福語，但祝福語並唔差，可以照收；新正頭如果去拜神，門口有人派財神，唔想攞都唔好話『唔要』，話『有喇有喇』，否則，財神全年都唔嚟搵你！」
【迎猴年】系列報道：
(一)《突醒目》大價格 8大最Hit賀年禮品
http://bit.ly/1ScuLz5
(二)【年花點擺好】玲玲教路吉星到
http://bit.ly/1QPsKXV
(三) 攢盒點樣嚟？ 意頭8甜你要知
http://bit.ly/1QA89ol
(四) 求籤問香港運程 一國兩制係場夢
http://bit.ly/1Q4SlqW
(五)【辦年貨你要知】邊樣海味最好賣？
http://bit.ly/1Sp3sl3
(六) 賀年三糕好味但「三高」 專家教五招KO熱量
http://bit.ly/1QaSaKR
(七) 送羊迎猴要注意 新年習俗你要知
http://bit.ly/1SIlnSe