單親媽咪楊思琦終日忙於工作賺錢和照顧女兒楊卓穎，但去年仍不時傳出緋聞，繼被指搭上人夫，之後又指她秘撻吳帥死黨。年近歲晚，思琦又被捲入一宗有關女星「問價」事件，是非沒完沒了，令她不勝其煩。新一年，思琦寄望踢走爛桃花，新年有一番新景象。
撰文：楊潔雯
下周一就踏入猴年，日前思琦帶同3歲囡囡卓穎到銅鑼灣找小丸子拍照，同場還有「美心妹妹」楊鎧凝（Celine），卓穎和Celine一拍即合，兩個對着鏡頭向大家拜早年。
新一年，思琦希望有一個新的開始，所有負皮新聞，折枝桃花統統遠離她，她笑說：「來年希望好似猴子咁，好多精力，好旺盛，周圍咁去頴銀，慢慢喺度爬升喇！做唔同嘅工作，希望可以接多啲登台嘅工作，拍吓電影呀！電視劇，唱吓歌，唔同嘅嘗試都好想去玩吓嘅！舊年都係有啲桃花，都係傳聞，希望今年有正常桃花，桃花對於藝人係觀眾緣，多啲觀眾支持我，等我接多啲工作。」
帶囡囡旅行度歲
講到囡囡楊卓穎，思琦既開心又擔心，皆因卓穎精力旺盛，冇時停，就好似一隻靈猴，她說：「啱！我寶寶個花名叫做猩猩寶寶，佢真係冇時停，周圍郁，好活躍，今年新年帶佢去旅行，用盡佢嘅精力，返到嚟就聽聽話話，學業進步，最緊要係佢開心健康。」
攝影：陳俊強
場地：皇室堡