基金經理幫人賺錢，除咗考眼光，亦視乎係咪「消息靈通」；但如處理不慎踩過界，隨時跌入內幕交易法網。自2009年起，美國FBI拉咗好多消息靈通嘅基金人，FBI探員David Chaves近日就喺紐約對沖基金圓桌會議上，分享佢哋點查案。
福爾摩斯要靠華生幫手，FBI亦要會搵埋證監會合作，首先找出近年準確估中收購合併、企業業績好壞嘅交易員，再查證其銀行、交易和電話紀錄，嘗試配對與洩密者通電話嘅時間，係咪符合買賣股票嘅絕佳良機。當鎖定目標後，會跟蹤目標返工、搭車，甚至拍拖；搵啱timing就會向涉案目標尋求「另類合作」：一係乖乖被拉，一係即刻打畀發放內幕資訊的源頭並且錄音，誓要一網打盡！
近年港股和內地互聯互通，內地講股平台春江鴨爆升嘅例子何其多。唔知本港證監和當局調查時，會唔會參考FBI做法呢？