去外資機構打工係唔少打工仔嘅理想工作，皆因人工、福利通常會比較好。近年亦有唔少港人傾向去中資機構打工，一來中資錢多，有時出手都幾闊綽；二來單純就事業發展來講，了解中國市場，發展機會亦會多啲。不過，近日有調查就發現，本港有近三成的專業人士，講明唔願意去中資機構做嘢，死罪係：1.員工福利差，2.僱主形象唔好，聲譽都嘛嘛哋喎。
呢個調查係由招聘公司Michael Page發起，訪問咗香港近700位專業人士。雖然有三成受訪港人唔like去中資機構，但調查公司話有同唔少中資機構傾過，形容佢哋已經努力改善福利同形象，希望啲打工仔個諗法可以正面番啲。不過呢個調查報告無提到幾時進行，如果今日再做，可能大家又有唔同睇法。