一哥祖高域周日喺澳網封王之後，都冇乜時間去大事慶祝，因為佢已經劍指喺5月22日，即係佢29歲生日當日開始舉行嘅法網。祖高域貴為男子網壇嘅霸主，但係佢11個大滿貫錦標入面，冇一個係法網；為咗令自己嘅職業生涯變得完美，佢就希望可以同澳洲名宿利華一樣，單季包攬四大滿貫。距離法網仲有一段時間，但祖高域都毫不掩飾有幾渴望喺呢項大滿貫奪冠：「喺到達巴黎之前，都要食吓唔同嘅美食，而法網係我嘅飯後甜品。」