禮拜三重返谷草作賽用A跑道，距上次谷戰已兩星期，究竟場地利放定利追呢？睇番1月6日谷A欄亦係相距之前一次谷戰達兩星期，賽果具參考價值，當晚三場1200米均由前置馬勝出，反而五場1650米或以上路程賽事，分別有「大合照」、「龍之欣」、「其樂無窮」及「火紅人」居中後上掄元，所以短途仍可秤先具前速馬匹，不過中長途不妨優先留意靠後勁食糊嘅馬。
今戰列陣馬中，四場「大合照」及六場「龍之欣」上仗正是於1月6日谷A欄後上贏一哩，今次又等番同一移欄再跑，擺明想在強項爭取連捷。另外，頭場「公証揚聖」四戰谷A欄獲兩冠一亞一殿，後上馬跑番全闊跑道隨時可以回復表現。