羊年股市冇乜運行，不過股評人界喜事就一單接一單，繼君陽證券嘅鄧聲興後，招銀國際嘅蘇沛豐（Daniel）上周二都「升呢」做爸爸，屋企多咗一位眼大大臉圓圓、6.6磅嘅可愛小千金Louise，佢話阿女似媽咪咁靚，天氣幾凍都覺得溫暖喇。
結婚4年嘅Daniel話，上周六接Louise回家，平時捱夜睇美股，前晚就要第一次捱夜餵奶，睇佢餵奶手勢似模似樣，應該開始熟手，雖然搞到唔夠瞓，但佢話冇有怕，皆因陪月員好快會去幫手，到時可以輕鬆啲。𠵱家潮流興擺百日宴，Daniel第一次做爸爸，都諗住等阿女百日大同家人簡單食餐飯，低調慶祝。