今屆U23亞洲盃四強分子已經產生。南韓U23（圖）喺上周六鬥約旦U23，由文昶辰喺上半場攻入全場唯一入球，以1:0小勝晉級準決賽。至於爭標熱門伊拉克U23就贏得驚險，對阿聯酋U23喺75分鐘首先失波，兩分鐘後閃電扳平，進入加時後再連入兩球以3:1晉級，繼上周五兩場八強之後又要到加時先分勝負，再開下盤。今屆賽事前三名都可獲得里約奧運男足參賽資格，即係再贏多場就可以直接出線，周二兩場準決賽，會踢得更加搏命喇啩？