最近有個專揭秘嘅網站（圖），披露咗加里夫巴利加盟皇馬，同埋安東尼馬迪爾轉投曼聯等等嘅合約內容，都幾爆炸性。不過呢個Football Leaks網站，負責運作嘅團隊最近正受葡萄牙警方調查，懷疑佢哋向一啲體壇著名經理人進行勒索，要後者畀以百萬歐元計嘅錢，否則就會大爆某啲不可告人嘅內幕出嚟。呢個團隊以假名Lovuzov名義向相關人士發出電郵，話只要「隨量」捐少少錢就可以令佢哋銷毀某啲內容，而所謂嘅「隨量」係指為數50至100萬歐元。