巴塞隆拿喺上周六西甲聯賽又贏波，作客馬拉加由小將蒙尼亞艾哈達迪喺開賽兩分鐘就先開紀錄，雖然隨後被對手扳平，但球王美斯喺下半場入球靚波奠定勝局，雖然全場整體表現麻麻，但最終靠個人質素以2:1擊敗對手。巴塞已經連贏六場，不過近兩場波就唔益捧場客，作客馬拉加同埋上周三西盃造訪畢爾包，「讓球主客和」都只係開[-1]，結果兩場都開唔到「客勝」。