梁凸終於可以大條道理，使凸！刮盡！益自己友集團。
一帶一路乜乜乜鋪天蓋地，庫房必然是一帶一路的提款機，九唔搭八核心組織成立，由梁凸撐腰做督導委員長，超然於審計處之上：
a，一帶一路強力部門研究所。由梁粉做所長，用公帑租住西九最豪的豪宅，一帶一路，攞正牌國家認證，一路向錢！（所長承包失蹤個案，苦主一經確認，連人帶龍門，直接由內地更強力部門越境跟進！）
b，一帶一路尖子教育基金。直接公帑過戶，基金來來去去幾個超級梁粉申請，帶來帶去都係淨身BB類型年青人返祖國交流，個個月easy執幾百萬，免稅的。（細路視王精為偶像，一到22歲搶買大陸樓！）
c，一帶一路長者全保總會。名正言順拎晒長者資料，被搬屋被改地址，易如反掌。掩口回贈，是幫長者豪裝公屋廁所改成免治馬桶。
收買長者，一帶一路更會升呢，送出一老一龕優惠！（講了44次仍拒絕與一帶一路合作的老餅，過馬路時，小心綠公仔！）