猴年將至，馬騮仔梗係大熱！日本人氣公仔Monchhichi都嚟咗香港過年，仲入鄉隨俗，化身中國古典四大名著《西遊記》中11個角色，置身經典場景同港人大話西遊。
換上修行服嘅悟空Monchhichi（圖），戴住金剛箍、手握金剛棒，坐筋斗雲出發；化身齊天大聖時，Monchhichi就攞住蟠桃、偷偷坐上玉帝龍椅。沙僧Monchhichi都好得意，襯埋個地中海髮型兼鬍鬚滿面；要扮豬八戒，當然唔少得豬鼻同豬耳。牛魔王造型就最應節，攞住炮竹、斧頭威風凜凜同大家拜年。
如果想「猴」住Monchhichi selfie，可以喺本月15至28日到旺角朗豪坊；其間有Monchhichi限定Pop-up Store兼小型拍照區。