樓市冰封，代理生意難做，唔搞吓噱頭都幾難吸引市場目光。代理行美聯（1200）近日就舉行一個50萬元首期助客上車比賽，根據官方畀15個貼士，搵齊3個指定筍盤，就有機會參加大抽獎，一位幸運兒就可以贏到50萬首期。
大家咪以為當普通玩遊戲抽現金獎，呢50萬首期一定唔可以折現，兼且要經美聯去買樓，變相都係美聯搞花臣，希望有人經佢買樓啫。老實講，50萬話少唔少，話多亦唔多，即使近期樓市下跌，但可以用50萬元做到首期嘅樓盤，其實選擇唔算多。
講番個game，貼士發放時段由本月7日起，隔日上午9點，一路到2月6日凌晨1點。美聯將於下月15日公佈得獎結果。