之前中國反日示威，有憤青整咗張標語話「釣魚台是中國的，蒼井空是世界的」，仲話要活捉蒼井空；可能愛斯賓奴球迷都有參考過強國人民嘅創意，喺周三主場對巴塞隆拿場嘅西盃16強次回合，整咗張「Shakira係大家嘅」橫額（圖），要嚟侮辱巴塞中堅碧基女友、樂壇巨星Shakira。
雖然愛奴球迷花盡心機「招呼」巴塞，但隊波就唔爭氣，以0:2輸多場，總比數輸1:6出局；同埋愛奴球迷整埋呢啲具侮辱性嘅標語，話唔定會被西足總秋後算賬。另外，有位叫蘇茜嘅巴西美臀小姐前幾日着咗美斯件波衫，慶祝美斯贏金球獎。