德甲球隊禾夫斯堡喺葡萄牙完成集訓之後，領隊赫京就狂插陣中射手「Lord賓」賓特拿體能差：「佢𠵱家啲體能差到完全跟唔上球隊嘅訓練，證明佢喺歇冬期偷懶。佢一係乖乖哋跑多幾圈，一係就罰錢啦。」不過Lord賓又點會忍到人哋咁鬧自己？佢喺周二就影咗張相騷肌肉，仲放上instagram向赫京還擊，話晨跑會令自己更加強，身形仲越來越正喎。