行政會議成員陳智思自從減少公職之後，少咗好多曝光，噚日降低食物中的鹽和糖委員會開會，作為主席嘅陳智思梗要見記者。雖然政圈覺得佢做呢個委員會係大才小用，但佢都好認真，話委員會聽取3個小組工作報告後，期望在今年第二季推出預先包裝食品簡易標籤建議，等消費者更容易選購低鹽低糖嘅產品，又希望業界自願作出改善取得低鹽低糖認證標籤。雖然佢好落力，但佢話要做到食物減鹽同糖，政府嘅目標係十年達到世衞標準，原來搞呢啲嘢都要成十年先達標，但十年之後乜嘢世界邊個知？唯一可以肯定，到時特首一定唔係CY！