八方噚日喺立法會見到69歲生日嘅田北俊，田少話會提早收工，同孫仔食飯慶祝。
其實佢個fb一早貼咗相（圖），留言都係同生日有關，不過唔知係咪佢助手田毛毛未經田少同意，洩漏咗田少「私隱」，個po其後竟改咗，認真神奇！
話說田少fb噚日早上上載咗張「農務」相，背景有靚木瓜，留言反問生日做乜好？
相中被改圖嘅田少滴晒汗，仲有設計對白話「再料理農務」，好多網友梗係祝佢生日快樂！
點知八方下晝再睇，個po變咗「輪到我發言先來流會？咁流會又做乜好？」
不過網友冇理個po留言變咗，有人建議田少用自己方式返大陸玩吓，又有人提田少都係少出聲比較好，否則有日用自己方式失蹤就唔好！